Меню

Побывали на участке для голосования в Слободе

Побывали на участке для голосования в Слободе

У двары Слабадской СШ імя Адама Гурыновіча (у ёй месціцца ўчастак для галасавання) сустракаю мужчын з пашпартамі ў руках. Відавочна, яны ўжо прынялі ўдзел у выбарах. Дзверы ў школу мне адчыняюць валанцёры. Уваходжу.

Камісія на месцы, назіральнікі таксама. А вось выбаршчыкаў у гэты  момант няма. Што ж, пагутару пакуль з камісіяй.

– З самай раніцы выбаршчыкаў было не вельмі шмат, – уводзіць у курс справы старшыня камісіі Вольга Грынкевіч. – Тром першым мы ўручылі падарункі – блакноты з дзяржаўнай сімволікай. Тых, хто галасуе ўпершыню, на ўчастку няма. Значны наплыў выбаршчыкаў здарыўся, калі закончылася служба ў царкве: адтуль людзі накіраваліся на ўчастак для галасавання. Цяпер таксама ідуць даволі актыўна.

Як бы пацвярджаючы словы Вольгі Уладзіміраўны, уваходзіць жыхар вёскі Кузьмічы Алег Шаблыка. Прад’яўляе камісіі пашпарт, атрымлівае бюлетэнь і ідзе ў кабінку для тайнага галасавання. А апусціўшы бюлетэнь у урну, удакладняе ў камісіі, калі будзе канцэрт. Да канцэрта яшчэ ладна часу, і члены камісіі раяць Алегу Міхайлавічу пакуль зазірнуць у школьную сталоўку, дзе сёння разгарнуўся выязны гандаль.

* * *
Зоя Вайцяховіч

– Камісія працуе зладжана, кампетэнтна, яе члены маюць вопыт такой работы, – кажа назіральнік Зоя Вайцяховіч. – Галасаванне праходзіць спакойна, размерана. Людзі прыходзяць сем’ямі, з дзецьмі, з дакументамі, якія сведчаць асобу. Атрымліваюць бюлетэні, галасуюць. Нашы выбаршчыкі дысцыплінаваныя і інфармаваныя: кожны ж глядзіць тэлевізар, чытае газеты. Таму няма нават спроб нешта парушыць.

Наталля ЛІСІЦКАЯ, фота аўтара

Лента новостей
Загрузить ещё
Информационное агентство «Минская правда»
ул. Б. Хмельницкого, д. 10А Минск Республика Беларусь 220013
Phone: +375 (44) 551-02-59 Phone: +375 (17) 311-16-59