Посмотрите, как в Свирском сельсовете поздравляли с Днем Победы бывших узников фашизма

Юбілейныя медалі «80 год Перамогі ў Вялікай Айчыннай вайне 1941-1945 гадоў» атрымалі былыя вязні фашызму напярэдадні 9 Мая.

На тэрыторыі Свірскага сельсавета такі статус маюць два чалавекі. Гэта Галіна Цыунчык з Камарова і Ніна Пуцікава са Свіры. Пасля вайны абедзве сталі педагогамі. Галіна Мечыславаўна выкладала на Свіршчыне, а Ніна Сцяпанаўна – у г. п. Азарычы Калінкавіцкага раёна.

Напярэдадні Дня Перамогі былых непаўналетніх вязняў наведалі намеснік старшыні райвыканкама Жанна Апановіч, а таксама прадстаўнікі раённага ваеннага камісарыята, Свірскага сельвыканкама, ААТ “Свір-агра”, мясцовай школы і ўстаноў культуры. Да цёплых слоў віншавання прыкладаліся кветкі і падарункі.

Наталля ЛІСІЦКАЯ

Фота забяспечана Свірскім сельвыканкамам