В Нарочской поселковой библиотеке прошел День доброты
Мерапрыемства, якое прайшло ў Нарацкай пасялковай бібліятэцы, прысвячалася людзям старэйшага пакалення і было прымеркавана да Дня пажылых людзей. Удзельнікамі яго сталі хлопчыкі і дзяўчынкі, якія наведваюць Дашкольны цэнтр развіцця дзіцяці к. п. Нарач.
Як паведаміла загадчык пасялковай бібліятэкі Валянціна Заваліхіна, дзеці пазнаёміліся з кнігамі, у якіх упамінаюцца бабулі і дзядулі. Пачулі, што іх трэба цаніць і шанаваць пры жыцці. Добра часцей гаварыць ім ласкавыя словы, радаваць прыемнымі навінамі. Усе разам зрабілі выснову, што неабходна з любоўю і павагай адносіцца да людзей старэйшага пакалення.
Напрыканцы мерапрыемства выхаванцы дашкольнай дзіцячай установы зрабілі паштоўкі, каб павіншаваць сваіх дзядуляў і бабуль і падзякаваць ім за ўсё тое добрае, што яны для іх робяць.
Марыя Лубнеўская
Фота Валянціны Заваліхінай
Рекомендуем
