У Будславе праходзіць парафіяльны фэст

У апошнія гады галоўныя ўрачыстасці ў Нацыянальным санктуарыі адбываюцца ў першую суботу ліпеня і распачынаюцца ўжо напярэдадні. Сёлета Будслаўскі фэст адбудзецца 5 і 6 ліпеня.

Разам з тым, 2 ліпеня, у Мінска-Магілёўскай архідыяцэзіі адзначаецца ўрачыстасць яе Галоўнай Апякункі — Маці Божай Будслаўскай.

У будслаўскай базіліцы ў гэты дзень адбываецца традыцыйны парафіяльны фэст.

Святыя імшы 2 ліпеня цэлебруюцца ў 8, 10, 12 і 18 гадзін. Вядзецца анлайн-трансляцыя, паведаміў пробашч Будслаўскай парафіі ксёндз Дзмітрый Дубовік.