«Грамоту мне вручил выпускник нашей школы». Награжденные делятся впечатлениями

Якія эмоцыі перапаўняюць ўзнагароджаных па выніках работы за мінулы год? Спыталі.

Іна НАУМЧЫК, намеснік дырэктара па вучэбнай рабоце Мядзельскай СШ нумар 1 імя Уладзіміра Дубоўкі:

• Сёння атрымала грамату міністэрства адукацыі — гэта вельмі высокая і дарагая для мяне ўзнагарода. У галіне я ўжо 31 год, і вельмі рада, што маю працу бачаць і цэняць. Удвая прыемна, што ўзнагароду мне ўручыў намеснік губернатара Аляксандр Іосіфавіч Ільясевіч — выпускнік нашай школы.

Наталля КАЛБУН, старшыня Сваткаўскага сельвыканкама:

• Работа нашага сельскага Савета дэпутатаў за мінулы год прызнана найлепшай у раёне. Апошні раз такое здаралася па выніках 2018 года. Тады я таксама падымалася на сцэну атрымліваць узнагароду, але маёй заслугі ў ёй не было, бо тады я толькі-толькі стала старшынёй. Тая грамата была вынікам працы маёй папярэдніцы на пасадзе Веры Уладзіміраўны Хацяновіч. Сённяшняе ўзнагароджанне для мяне вельмі радаснае і хвалюючае. Яно штуршок да дасягнення новых мэтаў. Гэта грамата — не мне асабіста. І не выключна сельвыканкаму ці дэпутацкаму корпусу. У ёй заслуга і ўсіх арганізацый нашага сельсавета: школы, бібліятэкі, Дома культуры, ААТ «Сваткі», лясніцтва, аддзялення забеспячэння кругласутачнага знаходжання для грамадзян пажылога ўзросту і інвалідаў, амбулаторыі… І дзяўчат-прадаўцоў. І старэйшын вёсак, якім толькі патэлефануй — падтрымаюць па любым пытанні, калі трэба — суботнік арганізуюць. Удзячна і арганізацыям, якія сочаць за парадкам ля помнікаў на тэрыторыі сельсавета. І проста актыўным мясцовым жыхарам.

Трактарыст-машыніст Валерый МАСЕВІЧ і галоўны эканаміст Галіна ШВАЙКОЎСКАЯ (АСП «Вузлянка»).

Валерый:

• Трактарыстам-машыністам працую 34 гады. За гэты час атрымаў шмат узнагарод — і раённага, і абласнога ўзроўняў. А вось на раённай Дошцы гонару буду ўпершыню. Прыемна, вядома.
  Галіна:
• Мяне, як і Валерыя, прызналі лепшай па прафесіі. Што цікава, мы з ім не толькі з адной гаспадаркі, але і з адной вёскі — гэта Васілеўшчына. Валерый і цяпер жыве ў роднай хаце. Узнагароду на раённай сцэне атрымлівала ўпершыню. Што адчуваю ў сувязі з гэтым? Гонар за сваю гаспадарку і радасць ад таго, што маю працу заўважылі.

Лілія ВЯРБІЦКАЯ, загадчык Мядзельскага раённага вучэбна- метадычнага кабінета:

• У адукацыі працую з 1991 года. Пачынала настаўніцай беларускай мовы і літаратуры ў Свіры. Праз 11 гадоў пераехалі ў райцэнтр, працавала ў Мядзельскай СШ нумар 2. З 2010 года — у раённым вучэбна-метадычным кабінеце, у 2015-м стала яго загадчыкам. Сёння мяне ўзнагародзілі граматай міністэрства адукацыі — прыемна, вядома. Добрыя ўражанні і ўвогуле ад свята: яно было добра арганізавана. І адчуваю гонар за свой раён. На самай справе, як гаварыў сам сцэны намеснік старшыні аблвыканкама, усё паказчыкі — 100 з плюсам. Адчуваю, што ў агульным поспеху ёсць і мой унёсак. Магчыма, не вельмі важкі, але тым не менш прыемна адчуваць, што маю дачыненне да агульнага поспеху.
  
• Наталля ЛІСІЦКАЯ
  Фота аўтара