Жители Кривичского сельсовета участвуют в конкурсе на лучшее ветеранское подворье

“Ветэраны нашага сельсавета – людзі актыўнай жыццёвай пазіцыі,” – кажа старшыня Крывіцкага сельвыканкама Святлана СІНЯЎСКАЯ.

Многія пенсіянеры прымаюць удзел у раённым конкурсе “Ветэранскі падворак”, дзе шмат намінацый. Напрыклад, летась жыхарка Крывічоў Ірына Клянтак стала пераможцам у вобласці ў намінацыі “Кветкі ля пад’езда”. Крыху раней Соф’я Юшкевіч з Дубаносаў і сям’я Рышарда і Данаты Якубовіч з Крывічоў вызначыліся ў раённым конкурсе ў намінацыі “Кветкавая фантазія”. А ў 2020 годзе пераможцам у раёне быў прызнаны падворак Генадзя Казлова з Задубення, які пасля выстаўляўся і на вобласць.

– Сёлета ад нашага сельсавета на раённы конкурс будзе прадстаўляцца падворак Ірыны Падбярэзскай з Задубення, – працягвае Святлана Уладзіміраўна. – Ірына Уладзіміраўна вельмі любіць, каб усюды быў парадак. Сочыць, каб у двары было прыгожа і ўтульна, раслі кветкі. З ранняй вясны да позняй восені рознакаляровы стракаты дыван упрыгожвае тэрыторыю ля дома, дзе жыве ветэран працы.