Для награждения не бывает выходных! Сегодня поздравляли тысячника из «Занарочанского»

Ва ўзнагароджванняў не бывае выхадных! Сёння свайго героя знайшла яшчэ адна зорка тысячніка.

Віншаванні камбайнер ААТ «Занарачанскі» Яраслаў Вяршыла прымаў на полі ААТ «Свір-агра» за вёскай Альшэва.

— Тысячу тон намалаціў яшчэ ў сваёй гаспадарцы, – расказаў мужчына. – Жніво ў нас завяршылася, і мяне накіравалі сюды. Тут ужо больш за сто тон намалаціў. Два дні працаваў блізка ад дому (ля Старлыг ёсць палі «Свір-агра»), а сёння пераехалі на незнаёмую ніву. Але ў гэтых мясцінах я быў і перш – як у Камарове ў ліцэі вучыўся. Тут тады дарогу новую будавалі, а мы газон сеялі і раўнялі.

Узнагароду перадавіку ўручыў першы намеснік старшыні райвыканкама Андрэй Марозаў.

— Ад сябе і ад ўсяго райвыканкама віншую Яраслава Станіслававіча з залічэннем у клуб тысячнікаў, – сказаў ён. – Жадаю моцнага здароўя і каб тэхніка ніколі не падводзіла. Вядома, жніво сёлета няпростае праз ападкі. Але абедзве вашы гаспадаркі – «Свір-агра» і «Занарачанскі» – добра спрацавалі ў гэтым няпростым годзе, сур’ёзны ўраджай узялі.

Наталля ЛІСІЦКАЯ
Фота і відэа аўтара