Навучэнцы СДЮШАР раёна вызначыліся на першынстве вобласці па лёгкай атлетыцы

У сталіцы 26-27 мая адбылося першынство Мінскай вобласці па лёгкай атлетыцы. Удзельнічала ў ім каманда СДЮШАР Мядзельскага раёна.

Марыя Валюк перамагла ў спартыўнай хадзьбе на дыстанцыі 3000 метраў і была другой на 2000 метрах. Арсеній Бабкевіч быў найлепшым у кіданні молата: ён кінуў снарад на 23 метры 66 сантыметраў. А Марына Грыгаровіч заняла трэцяе месца ў кіданні дыска, паведаміла намеснік дырэктара па асноўнай дзейнасці СДЮШАР Наталля Баран.

Фота забяспечана СДЮШАР раёна