Гімназіст Мікіта Бярняк узнагароджаны дыпломам ІІ ступені на Рэспубліканскім конкурсе «ТэхнаІнтэлект»

Сёння,  17 сакавіка, навучэнец 10 класа гімназіі Мядзела Мікіта Бярняк удастоены дыплома ІІ ступені на XII Рэспубліканскім конкурсе навукова-тэхнічнай творчасці навучэнскай моладзі «ТэхнаІнтэлект».

Мікіта прадстаўляў на конкурсе свой модульны адукацыйны канструктар «MGRobot» у секцыі «Робататэхніка, аўтаматыка і інтэлектуальныя сістэмы», паведаміла метадыст раённага вучэбна-метадычнага кабінета Ларыса Севярын.

Конкурс праводзіўся ў Беларускім нацыянальным тэхнічным універсітэце. Сёлета ў ім удзельнічалі каля 200 прадстаўнікоў усіх абласцей Беларусі. Работа конкурсу праходзіла па 12 секцыях.