У мінулую пятніцу ў памяшканні актавай залы райвыканкама сабраліся лепшыя прадстаўнікі сельскай гаспадаркі і перапрацоўчай прамысловасці азёрнага краю. Каб па традыцыі падвесці вынікі напружанай працы, адзначыць тых, хто ўнёс найбольшы ўклад у агульную скарбонку.
Адразу надало настрою гасцям фае з узорамі сельскагаспадарчай прадукцыі, атрыбутыкай вясковага быту. І хваля станоўчых эмоцый мела затым працяг у паўнюткай зале. Прагучалі знаёмыя пазыўныя, дыктар чытае верш аб Беларусі. На сцэне паказваецца харэаграфічная замалёўка “Беларусь мая сінявокая”. Вядучыя Аляксандр Цыгельнікаў і Галіна Красоўская распачынаюць праграму ўрачыстасці. На сцэну запрашаецца тагачасны старшыня райвыканкама А. І. Даніленка. Ён шчыра павіншаваў прысутных з іх прафесійным святам, адзначыўшы важнасць дадзенага мерапрыемства.
— Вы забяспечваеце на той тэрыторыі, дзе знаходзіцеся, харчовую бяспеку рэгіёну і ў цэлым краіны, — сказаў Аляксандр Іванавіч. — І для гэтага ёсць усе ўмовы, у тым ліку і дзяржаўная падтрымка. Сёння аграпрамысловы комплекс раёна мае магутную, энерганасычаную тэхніку, кваліфікаваныя кадры. Мы павялічылі сёлета вал збожжа і паспяхова выканалі дзяржаўны заказ, здолелі апошнім часам падцягнуцца па ўмацаванні сушыльных гаспадарак. Вядзецца мадэрнізацыя і рэканструкцыя ферм, адбыліся станоўчыя змены на перапрацоўчых прадпрыемствах. Як заўсёды, уносяць важкі ўклад у вырашэнне пастаўленых задач кіраўнікі гаспадарак, спецыялісты ўпраўлення райсельгасхарчу. Але рынак патрабуе высокаэфектыўнай работы на зямлі, чаго нельга, на жаль, сказаць пра шэраг нашых гаспадарак. Становішча неабходна карэнным чынам мяняць, каб надзейна займець на рынку сваю нішу.
Плённа папрацавалі і старшыні мясцовых Саветаў. У прыватнасці, па арганізацыі ўборкі на прысядзібных участках вяскоўцаў, вырашэнні іншых надзённых пытанняў.
І вось распачаўся прыемны працэс узнагароджання. У раённым спаборніцтве за дасягненне найлепшых вынікаў на сяўбе збожжавых і зернебабовых культур пераможцамі прызнаны акцыянерныя таварыствы “Сваткі” (дырэктар
М. В. Варабей) і “Міжазёрны край” (дырэктар К. Б. Гапановіч) з уручэннем Ганаровай граматы і грашовай прэміі. Дарэчы, гэты дзень для Казіміра Браніслававіча стаў адметным яшчэ і тым, што якраз споўнілася 35 год, як знаходзіцца ён на кіруючай пасадзе.
— А гэта шмат чаго варта, — сказаў А. І. Даніленка. — Казімір Браніслававіч — чалавек, які мае ўласную пазіцыю, душой хварэе за справу.
На нарыхтоўцы кармоў першае месца прысуджана адасобленаму структурнаму падраздзяленню “Вузлянка” гандлёвага камунальнага ўнітарнага прадпрыемства “Мінскі Камароўскі рынак” (упраўляючы П. М. Жарыкаў), другое — акцыянернаму таварыству “Міжазёрны край” і трэцяе — ААТ “Свір-Агра” (дырэктар Г. Б. Юхно).
Затым былі падведзены вынікі працы хлебаробаў Мядзельшчыны. Лепшым на жніве-2012 прызнаны калектыў таварыства “Міжазёр-
ны край”. Другое месца ў раённым спаборніцтве заняло ААТ “Сваткі”, трэцяе — ААТ “Свір-Агра”.
Актыўны ўдзел ва ўборачнай кампаніі прыняла і моладзь. У гэты дзень атрымалі ўзнагароды юныя ўдзельнікі жніва Будслаўскай сярэдняй школы імя Паўліны Мядзёлкі, Свірскай сярэдняй школы, навучальна-педагагічных комплексаў дзіцячы сад-сярэдняя школа з Крывічоў, Старых Габ і Пузыроў, а таксама Княгінінскай сярэдняй школы.
На сцэну запрашаецца старшыня раённага Савета дэпутатаў А. А. Бароўка. Падзячнымі лістамі і каштоўнымі падарункамі старшыні райвыканкама ўзнагароджваюцца камбайнеры-тысячнікі: сямейныя экіпажы птушкафабрыкі “Новая зара” ў складзе Юрыя Аляксеевіча і Валянціна Юр’евіча Галдыцкіх, Аляксандра Мікалаевіча і Таццяны Казіміраўны Калбун, камбайнеры гэтай жа гаспадаркі Віктар Уладзіміравіч Федуковіч і Азамат Вячаслававіч Бандаронак, Анатоль Юр’евіч Сяліла і Аляксей Дзмітрыевіч Мікуліч, сямейныя экіпажы ААТ “Пруднікі-Агра” Валерый Іосіфавіч і Руслан Валер’евіч Рудніковічы, Мікалай Казіміравіч і Іван Мікалаевіч Маркевічы з ААТ “Міжазёрны край”, Валерый Іванавіч і Максім Валер’евіч Дрозд з ААТ “Сваткі”, экіпаж ААТ “Свір-Агра” ў складзе Генадзя Мікалаевіча Лобача і Аляксея Генадзьевіча Самко і ААТ “Сваткі” — Уладзімір Мікалаевіч Швайкоўскі і Юрый Баляслававіч Белы.
За добрасумленную працу шэраг работнікаў АПК узнагароджаны падзякамі старшыні райвыканкама. Сярод іх упраўляючая фермы “Новікі” Л. А. Швайкоўская, даярка В. А. Густамясава, даглядчыца М. А. Даражынская і галоўны заатэхнік Я. І. Роўда (ААТ “Сваткі”), аператар па адкорму свіней СК “Брусы” Г. І. Кісель, ветурачы ДУ “Мядзельская раённая ветэрынарная станцыя” Г. А. Кундра і Н. В. Алексіна, ветурач Мядзельскай участковай ветлячэбніцы А. У. Лашук, намеснік начальніка ўпраўлення райсельгасхарчу У. А. Дыдко, галоўны ветурач ААТ “Міжазёрны край” В. М. Рагоўская, аператар па штучным асемяненні жывёлы ТАА “Нарацкая ніва-2004” П. Б. Ермаковіч, начальнік аддзела арганізацыі вытворчасці Я. П. Рабікава і галоўны бухгалтар Я. М. Гушча (упраўленне райсельгасхарчу), старшыня РК прафсаюза работнікаў АПК М. А. Юркевіч, галоўныя эканамісты ААТ “Зані” Ю. І. Нялепка і АСП “Вузлянка” М. Л. Рогач, галоўны механік ААТ “Мядзельскае аграпрамэнерга” І. М. Карабейнік, галоўны інжынер ПСГ “Дзягілі” В. Д. Жыхар, галоўныя бухгалтары ААТ “Міжазёрны край” В. К. Гапановіч і ААТ “Мядзельскае аграпрамэнерга” Л. У. Цыркулеўская, галоўны аграном ААТ “Сваткі” Т. У. Мінчук, галоўны аграном ААТ “Міжазёрны край” Б. І. Урбановіч, галоўны ветурач ААТ “Будслаўскае” А. А. Кянько, намеснік дырэктара па ідэалагічнай рабоце Нарацкага філіяла “Маладзечанскі малочны камбінат” Т. Б. Бакула, інжынер кантрольна-вымяральных прыбораў і аўтаматыкі філіяла В. В. Харэвіч, вадзіцель гэтага прадпрыемства А. У. Шусціцкі, намеснікі дырэктара па ідэалагічнай рабоце ААТ “Пруднікі-Агра” М. А. Бабкевіч і ААТ “Міжазёрны край” П. К. Курачка.
Вялікі шэраг работнікаў быў адзначаны па выніках спаборніцтва на сяўбе яравых збожжавых і зернебабовых культур. Узнагароджанне правёў начальнік упраўлення райсельгасхарчу В. І. Бахонка. Пераможцам хлебаробскага саперніцтва сярод уборачных агрэгатаў стаў дуэт з птушкафабрыкі “Новая зара” ў складзе А. Ю. Сялілы і А. Д. Мікуліча. Другое месца заняў сямейны экіпаж Калбуноў з гэтага ж прадпрыемства і трэцяе — хлебаробы з ААТ “Сваткі” У. М. Швайкоўскі і Ю. Б. Белы. Сярод вадзіцеляў, якія былі заняты на адвозцы збожжа ад камбайнаў, пераможцамі прызнаны: у 1-ай групе аўтатранспартных сродкаў Ч. М. Рагоўскі з АСП “Вузлянка”, па 2-ой групе — В. Ф. Бандаронак з птушкафабрыкі “Новая зара”. Сярод звенняў па дапрацоўцы і сушцы збожжа першае месца прысуджана звяну п/ф “Новая зара” на чале са старшым машыністам І. В. Бажэлкам, другое — звяну ААТ “Сваткі” (старшы машыніст В. М. Ганчароў), і трэцяе — звяну ААТ “Свір-Агра” (старшы машыніст В. В. Блашкевіч).
За поспехі ў працы і асабісты ўклад у развіццё сельскай гаспадаркі раёна Ганаровай граматай быў узнагароджаны камбайнер ААТ “Будслаўскае” Ю. І. Казакевіч.
Сярод камбайнераў кормаўборачных камбайнаў пераможцамі прызнаны І. І. Грумбянін (ААТ “Свір-Агра”), а сярод вадзіцеляў і механізатараў, якія перавозілі кармы — А. А. Сялюн з ААТ “Занарацкі” і Л. Б. Роўда з АСП “Вузлянка”. На трамбоўцы сянажнай і сіласнай масы вызначыўся механізатар ААТ “Свір-Агра” І. Ф. Стральцоў.
Начальнік аддзела па справах моладзі райвыканкама Т. У. Хацяновіч уручыла ўзнагароду камбайнеру ўборачнага агрэгата ААТ “Мядзелаграсэрвіс” А. П. Карчэўскаму, які стаў пераможцам у спаборніцтве маладзёжных экіпажаў. Сярод маладых вадзіцеляў лепшымі на адвозцы збожжа прызнаны А. К. Усовіч (СК “Брусы) і М. В. Васілевіч (ААТ “Мядзельскае аграпрамэнерга”).
Па традыцыі ўрачыстасць завяршылася канцэртнай праграмай калектываў мастацкай самадзейнасці. На сцэне выступілі ансамблі і салісты з Магілёва, Лунінца і Гродна. І пакінулі ў прысутных самае добрае ўражанне.
Аляксандр БЫКАЎ.
На здымках: Дэлегацыя перадавога калектыву ААТ “Сваткі” на свяце; А. І. Даніленка ўручае ўзнагароду ўпраўляючаму АСП “Вузлянка” П. М. Жарыкаву; Старшыня раённага Савета дэпутатаў А. А. Бароўка дзякуе за працу намесніку дырэктара ААТ “Міжазёрны край” П. К. Курачку; Сямейны экіпаж Рудніковічаў з ААТ “Пруднікі-Агра”; Момант канцэртнай праграмы ; На сцэне юныя ўдзельнікі жніва.
Фота Таццяны Несцярэнкі.