У рамках акцыі “Наш жывёлавод” на малотнатаварных фермах ААТ “Занарачанскі” пабывалі галоўны тэхнічны інспектар Мінскага абласнога камітэта прафсаюза работнікаў аграпрамысловага комплексу Аляксандр Мотуз і старшыня райкама прафсаюза работнікаў АПК Таццяна Сівіцкая. Пагутарылі з жывёлаводамі. Лепшыя жывёлаводы таварыства былі адзначаны Падзякамі абласнога і раённага галіновага прафсаюза і каштоўнымі падарункамі.
А на МТФ “Калодзіна” паміж гасцямі і прысутнымі адбыўся дыялог па абмеркаванні змяненняў і дапаўненняў у Асноўны Закон нашай краіны — Канстытуцыю Рэспублікі Беларусь.