З 1 красавіка змяняецца рух аўтобусаў

ЯК паведаміў начальнік Мядзельскага вытворчага ўчастка Маладзечанскага філіяла “Аўтобусны парк №4” ААТ “Мінаблаўтатранс” Мікалай Амельяновіч, з 1 красавіка змяняецца расклад руху прыгарадных аўтобусаў. З новым раскладам можна пазнаёміцца на сайце Мінаблаўтатранса http://minoblavtotrans.by/.

Акрамя таго, арганізоўваецца новы міжгародні маршрут “Мядзел–Вілейка” (замест ранейшых “Нарач–Маладзечна” і “Свір–Маладзечна”). Перад тым, як адправіцца у рэйс, раім звярнуцца па тэлефонах: 27-8-35 (аўтавакзал Мядзел), 29-5-14 (аўтавакзал Нарач), 40-7-47 (дыспетчарская).