ВЕРНІКІ Нарачанскай парафіі распачалі духоўную падрыхтоўку да ўрачыстага ўнясення рэліквій Благаслаўлёнага Яна Паўла ІІ

ВЕРНІКІ Нарачанскай парафіі святога Андрэя Апостала распачалі духоўную падрыхтоўку да ўрачыстага ўнясення рэліквій Благаслаўлёнага Яна Паўла ІІ, якое адбу­дзецца 21 кастрычніка. З нагоды святкавання Дзён Благаслаўлёнага Яна Паўла ІІ аб’яўлены конкурс выпечкі крэмавых пірожных, якія так любіў Вялікі Папа. Да ўдзелу ў ім запрашаюцца ўсе гаспадыні, якія могуць прадста­віць на конкурс не толькі пірожныя, але і іншыя кулінарныя вырабы. Частаванне-дэгустацыя прысмакаў і вызначэнне пераможцаў пройдзе 21 кастрычніка перад урачыстай Святой імшой у 11 гадзін на прыкасцёльным пляцы.