Днямі машынна-трактарны парк СВК «Будслаўскі» папоўніўся энергетычнай універсальнай малагабарытнай машынай «Раса». Яе гаспадарка набыла па лізінгу. Пасля правядзення спецыялістам завода-вытворцы адпаведных наладачных работ, навучання галоўнага агранома кааператыва П. У. Спірыдона прыёмам выкарыстання тэхнічнага сродку ён пастаўлены на захоўванне. Затое наступнай вясной «Раса» адразу ж уключыцца ў вытворчы працэс па ўнясенні цвёрдых і вадкіх мінеральных угнаенняў і гербіцыдаў.