Днямі ў цэнтральную раённую бібліятэку імя М. Танка паступіла 15 экзэмпляраў кніг “Максім Танк. Талент, заручаны з небам”, выпушчаных выдавецтвам “Літаратура і мастацтва”. У ёй даследуецца жыццё і творчасць нашага земляка як грамадска-культурнага феномена, аднаго з самых яркіх талентаў у гісторыі беларускай літаратуры. У кнізе выкарыстаны шматлікія архіўныя і эпісталярныя першакрыніцы, фотаздымкі з архіваў сяброў, родных, знаёмых і з Беларускага дзяржаўнага архіва-музея літаратуры і мастацтва.