Прадугледжана адміністрацыйная адказнасць

КАМІТЭТ дзяржаўнага кантролю Мінскай вобласці пастаянна кантралюе ход продажу сельскагаспадарчымі прадпрыемствамі збожжа дзяржаве.

Летась за невыкананне дзяржзаказу па пастаўцы збожжа (пшаніцы, ячменю, трыцікале) былі аштрафаваны (ад 50 да 100% кошту недапастаўленых аб’ёмаў зерня) многія гаспадаркі Вілейскага, Лагойскага, Мядзельскага і Слуцкага раёнаў. У бягучым годзе аналагічныя парушэнні выяўлены ў Валожынскім, Вілейскім і Маладзечанскім раёнах.

Згодна з пастановай Савета Міністраў Рэспублікі Беларусь ад 5 студзеня 2013 года №8 “Аб пераліку рэспубліканскіх дзяржаўных патрэб, а таксама дзяржаўных заказчыкаў па пастаўках (закупках) тавараў для рэспубліканскіх дзяржаўных патрэб на 2013 год” Мінскай вобласці таксама даведзена заданне: паставіць дзяржаве 301 тону збожжа сёлетняга ўраджаю.Аднак па аператыўных даных камітэта па сельскай гаспадарцы і харчаванні Мінаблвыканкама па стану на 1 жніўня 2013 года план па продажы гаспадаркамі збожжа дзяржаве ў цэлым па сталічнай вобласці выкананы толькі на 14,5%. Сярод раёнаў, якія значна недапрацоўваюць у адзначаным накірунку, — Барысаўскі, Валожынскі, Клецкі, Мінскі, Мядзельскі, Пухавіцкі, Смалявіцкі, Уздзенскі. Таму Камітэт дзяржаўнага кантролю Мінскай вобласці нагадвае кіраўнікам сельскагаспадарчых прадпрыемстваў на неабходнасць выканання ўзятых абавязацельстваў па пастаўцы прадукцыі для дзяржпатрэб і звяртае іх увагу на сур’ёзныя адміністрацыйныя меры адказнасці ў сувязі з невыкананнем дзяржзаказу. Артыкулам 12.5 Кодэкса Рэспублікі Беларусь аб адміністрацыйных правапарушэннях прадугледжана, што непастаўка (недапастаўка) тавараў для дзяржаўных патрэб цягне адміністрацыйную адказнасць у выглядзе штрафу на юрыдычную асобу ў размеры ад 50 да 100% кошту непастаўленай (недапастаўленай) прадукцыі.

Камітэт дзяржаўнага кантролю Мінскай вобласці.