На пазачарговай сесіі Мядзельскага раённага Савета дэпутатаў Аляксандр Прановіч зацверджаны на пасадзе старшыні райвыканкама

29 ліпеня Прэзідэнт Рэспублікі Беларусь Аляксандр Лукашэнка даў згоду на прызначэнне старшынёй Мядзельскага раённага выканаўчага камітэта Аляксандра Прановіча.

Сёння, 30 ліпеня, на пазачарговай 28-й сесіі Мядзельскага раённага Савета дэпутатаў 28-га склікання Аляксандр Прановіч быў зацверджаны на пасадзе старшыні раённага выканаўчага камітэта.

***

Аляксандр Васільевіч ПРАНОВІЧ

Нарадзіўся ў 1979 годзе ў г. Мар’іна Горка. У 2005 годзе закончыў Камандна-інжынерны інстытут МНС Рэспублікі Беларусь, у 2014 — камандны факультэт гэтай вышэйшай навучальнай установы, а ў 2020 — Акадэмію кіравання пры Прэзідэнце Рэспублікі Беларусь. Спецыяльнасці па адукацыі: “папярэджанне і ліквідацыя надзвычайных сітуацый”, “кіраванне ў папярэджанні і ліквідацыі надзвычайных сітуацый”, “дзяржаўнае кіраванне і ідэалогія”. Працоўную дзейнасць пачынаў у 1999 годзе пасля заканчэння Гомельскага сярэдняга пажарна-тэхнічнага вучылішча МУС Рэспублікі Беларусь начальнікам каравула ваенізаванай пажарнай часці №3 саўгаса “Чырвонагвардзейскі” атрада ваенізаванай пажарнай службы № 17 Пухавіцкага раёна. З 2001 па 2007 год займаў пасаду намесніка начальніка па аператыўна-тактычнай рабоце Пухавіцкага раённага аддзела па надзвычайных сітуацыях, пасля адзінаццаць год узначальваў Пухавіцкі РАНС. З 2018 года па апошні час быў старшынёй Пухавіцкага раённага Савета дэпутатаў.

Жанаты, у сям’і выхоўваецца двое дзяцей.

Фота gorka.by