Ігар Брыло сустрэўся з калектывам ААТ “Сваткі”

Міністр сельскай гаспадаркі і харчавання Ігар Брыло ў рамках адзінага дня інфармавання насельніцтва сустрэўся з калектывам ААТ “Сваткі”.

Па тэме дня інфармавання — “Гісторыя беларускай дзяржаўнасці — аснова грамадзянска-патрыятычнага выхавання насельніцтва” выступіў начальнік аддзела ідэалагічнай работы, культуры і па справах моладзі райвыканкама Вячаслаў Клімовіч.

Ігар Брыло расказаў пра сітуацыю ў АПК, перспектывы галіны і яе работу ва ўмовах санкцый (падрабязнасці — у суботнім нумары газеты).

Напрыканцы сустрэчы кіраўнік галіны ўзнагародзіў шэраг работнікаў таварыства. Ганаровыя граматы Міністэрства сельскай гаспадаркі і харчавання атрымалі вадзіцель Міхаіл Шчуцкі, трактарысты-машыністы Аляксандр Кашурэнка і Аляксандр Сіськевіч. Падзякі міністра аб’яўлены трактарыстам-машыністам Дзмітрыю Герасімовічу, Юрыю Стрэжу і Сяргею Субачу. Падзякі міністра і старшыні Беларускага прафсаюза работнікаў АПК аб’яўлены галоўнаму аграному Аляксею Акішаву, ветэрынарнаму ўрачу Ліі Аўрэйцавіч, камбайнеру Аляксею Сташкевічу, аператару машыннага даення кароў Таццяне Мянчынскай і аграному Тамары Мінчук.