Супрацоўнікі Мядзельскага аддзялення Дэпартамента аховы завіталі ў госці да каманды «Ахова-Дынама-Юні», якая праводзіць трэніровачны збор на базе фізкультурна-аздараўленчага цэнтра.
Камандзір узвода міліцыі Дзмітрый Варабей расказаў юным футбалістам пра работу аддзялення, паказаў амуніцыю супрацоўнікаў і службовы аўтамабіль, у якім хлопцы не прамінулі сфатаграфавацца.
А міліцыянер-кінолаг групы затрымання Сяргей Скавародка прадэманстраваў работу са службовым сабакам Крафтам — у тым ліку і тое, як Крафт затрымлівае «правапарушальніка».