Кабінет псіхатэрапіі
У ЗДРАЎНІЦЫ адкрыўся кабінет псіхатэрапіі. Прыём вядзе вопытны ўрач-псіхатэрапеўт I катэгорыі Сяргей Барысавіч Лазараў, які практыкуе з 1989 года. Тут можна атрымаць працэдуры, кансультацыі па пераадольванні стрэсу і яго наступстваў, трывожна-дэпрэсіўнага і панічнага расстройства і іншыя. Праводзіцца сямейная тэрапія. Выклікае цікавасць і групавая тэрапія — марафон інтэнсіўнага псіхалагічнага трэнінгу «Мастацтва цвярозага жыцця», «Як стаць шчаслівай» і інш.
Кафэ-піцэрыя
У НОВЫМ лячэбным корпусе здраўніцы адкрылася кафэ-піцэрыя. Яно разлічана на 25 месцаў. У адпачываючых з’явілася магчымасць прыемна правесці час і паласавацца піцай у новым кафэ, якое працуе штодзённа без перапынку на абед з 10 да 21 гадзіны.
Новая працэдура
З НЯДАЎНЯГА часу ў здраўніцы пачалі адпускаць новую працэдуру — гідракаланатэрапія кішэчніка. Яна садзейнічае вызваленню арганізма ад шлакаў, вывядзенню радыенуклідаў, зніжэнню ўзроўню халестэрыну, ухіленню ацёчнасці твару, ачышчэнню скуры.
Гэта працэдура зусім без болю і праводзіцца на кушэтцы ў зручным становішчы. Яна не выклікае ніякіх дыскамфортных адчуванняў у пацыента. Пасля яе адзначаецца зніжэнне масы цела, павышэнне тонусу арганізма, працаздольнасці і ўстойлівасці да паталагічных знешніх фактараў. Яна рэкамендуецца для ля-
чэння захворванняў страўнікава-кішачнага тракту.
Наш кар.