Раённы савет ветэранаў адкрыў выставу ў курортным пасёлку Нарач (фота)

ЯКРАЗ напярэдадні Дня Незалежнасці Рэспублікі Беларусь у Нарацкім Цэнтры культуры і вольнага часу стала больш пастаянных выстаў. Чарговую тут адкрыў раённы савет ветэранаў. Яе можна лічыць скарбніцай азёрнага краю, бо сабрала вялікае мноства творчых работ: вышыўкі крыжыкам, дыяментныя, вязанне шыдэлкам, разьба па дрэве, мініяцюрная скульптура, вырабы з гліны, сямейства лялек, вырабы з саломкі…

У іх, як адзначыла малодшы навуковы супрацоўнік Цэнтра Наталля Смятаніна, агонь творчасці, натхненне дарагіх ветэранаў, іх палёт фантазіі і вялізнае жаданне зрабіць усё навокал лепшым. Права перарэзаць традыцыйную чырвоную стужку, якая сімвалізавала адкрыццё выставы, далі старшыні раённага савета ветэранаў Уладзіміру Валасевічу і начальніку ўпраўлення па працы, занятасці і сацыяльнай абароне райвыканкама Вользе Габрусенак.

Пасля гэтага супрацоўніца Цэнтра Таццяна Ярмаш выканала пад гітару сваю песню “Радзіма”, якая вылучана на рэспубліканскі фестываль народнай творчасці.

Павел Жукаў, фота аўтара.

 

Падрабязна пра гэта чытайце ў адным з бліжэйшых нумароў "Нарачанскай зары"