Выратавальнікі Мядзельшчыны не толькі нагадалі правілы бяспекі, а і дапамаглі прыбраць сцежкі ад снегу (фота)

Падчас прафілактычных мерапрыемстваў работнікі МНС сумесна з зацікаўленнымі праводзяць гутаркі і інструктажы па мерах пажарнай бяспекі, уручаюць памяткі і лістоўкі, звяртаюць асобую ўвагу на выкананне правіл пажарнай бяспекі пры эксплуатацыі пячнога ацяплення і электрычнага абсталявання, на недапушчэнне курэння ў ложку і пакіданне непаўналетніх без нагляду. Акрамя жылых дамоў увага надаецца гаспадарчым пабудовам.

Адзін з такіх рэйдаў прайшоў на мінулым тыдні. Падчас яго выратавальнікі не толькі нагадалі асноўныя правілы бяспечных паводзін, але і дапамаглі прыбраць сцежкі ад снегу на падворках адзінокіх і адзінока пражываючых грамадзян, паведаміла інспектар сектара прапаганды і ўзаемадзеяння з грамадскасцю райаддзела па надзвычайных сітуацыях Ірына Карапецян.

Фота забяспечана райаддзелам па надзвычайных сітуацыях