Сёння, 5 красавіка, у Мядзельскім раённым Цэнтры культуры адбыўся вечар-ушанаванне ветэранаў, прысвечаны 35-годдзю Беларускага грамадскага аб’яднання ветэранаў.
Прывітала прысутных намеснік старшыні райвыканкама Вольга Габрусенак. Вольга Міхайлаўна выканала і прыемную місію — уручыла Падзякі старшыні райвыканкама актывістам грамадскага аб’яднання Марыі Лубнеўскай, ветэрану Вялікай Айчыннай вайны Міхаілу Гардону і Пятру Райчонку.
Пра слаўны шлях ветэранскай арганізацыі азёрнага краю распавёў на юбілейнай вечарыне яе старшыня Уладзімір Валасевіч. З нагоды адметнай даты прагучала са сцэны нямала віншаванняў, якія госці адрасавалі арганізацыі-юбілярцы і ўсім удзельнікам урачыстасці. Многія паважаныя людзі атрымалі ў гэты дзень розныя ўзнагароды.
Упрыгожылі мерапрыемства канцэртныя нумары.