Прафілактычныя акцыі ў Крывічах правялі супрацоўнікі санстанцыі

Лепшае лячэнне — гэта прафілактыка, лічаць у раённым цэнтры гігіены і эпідэміялогіі. А каб больш людзей гэта разумелі, медыкі арганізоўваюць прафілактычныя акцыі ў грамадскіх месцах. На гэты раз у г. п. Крывічы.

Прафілактыкай хвароб сістэмы кровазвароту займаліся ў сераду 12 жніўня памочнікі ўрача-гігіеніста ДУ «Мядзельскі РЦГіЭ» Святлана Даліба і Марыя Будаш. Акцыя праходзіла на базе комплексна-прыёмнага пункта Мінскага аблПО.

А акцыя «Майдадыр» прайшла ў парку гарадскога пасёлка. Увагу мясцовых жыхароў медыкі скіроўвалі на прафілактыку каранавіруса, на неабходнасць сацыяльнага дыстанцыявання, нагадвалі правілы мыцця рук.