Урачыстае мерапрыемства “Сустрэча пакаленняў” адбылося на «Партызанскіх базах» (фота, відэа)

Сёння, 19 мая, на знакавым для нашага раёна месцы, дзе ў гады Вялікай Айчыннай вайны базіравалася партызанская брыгада імя Варашылава і размяшчаліся Вілейскія абласныя падпольныя камітэты партыі і камсамола, адбылася сустрэча пакаленняў.

Мерапрыемства прысвячалася 100-годдзю піянерскага руху ў нашай краіне. На мітынгу памяці 35 лепшых акцябрат з Мядзельскага ВПК яслі-сад-сярэдняя школа і Нарацкай СШ №2 былі прыняты ў піянеры.

На “Сустрэчы пакаленняў” прысутнічалі ветэран Вялікай Айчыннай вайны, Ганаровы грамадзянін раёна Міхаіл Гардон, ваенны камісар раёна Віталій Якушаў, намеснік начальніка ўпраўлення па адукацыі, спорце і турызме райвыканкама Святлана Кундра, першы сакратар раённай арганізацыі КПБ Алена Яцына, воіны-інтэрнацыяналісты, прадстаўнікі раённай арганізацыі грамадскага аб’яднання “Беларускі саюз афіцэраў”, піянеры ХХ стагоддзя і вучні Занарацкай СШ — адны з удзельнікаў велапрабегу “Піянеры Мядзельшчыны”.

Завяршылася мерапрыемства музейна-адукацыйнай праграмай “Памятаем. Ведаем. Ганарымся” з квэст-гульнёй, песнямі на піянерскую і ваенна-патрыятычную тэматыку і салдацкай кашай.

Фота Аляксандра Высоцкага