11 сакавіка адбылося раённае спартыўнае свята «Мядзельская лыжня-2023». Прайшло яно на лясной паляне непадалёку ад скрыжавання дарог Р28 і Р58.
Надвор’е сёння выдалася неспрыяльным для лыжнага спорту, і каманд сабралася няшмат. У складзе кожнай было па тры ўдзельнікі, і спаборнічалі яны ў эстафетнай гонцы.
Сярод устаноў адукацыі, спорту і турызму першае месца заняла каманда СДЮШАР раёна. Паміж сельскіх Саветаў перамога за лыжнікамі з Нарацкага сельсавета. Сярод аддзелаў, упраўленняў райвыканкама і грамадскіх аб’яднанняў перамагла каманда раённай арганізацыі РГА «Белая Русь». Узнагароды лепшым уручыла намеснік старшыні райвыканкама Вольга Габрусенак.
Раённае аб’яднанне прафсаюзаў адзначыла яшчэ падарункамі самага юнага ўдзельніка спаборніцтваў сярод працуючай моладзі — Крысціну Несцераву са Старлыгскай СШ імя Івана Аніські і самага дарослага — Мікалая Маркевіча з Нарацкага сельвыканкама.