— У Год гістарычнай памяці мы ўзгадваем гераічныя падзеі нашай гісторыі, Вялікай Айчыннай вайны, — падкрэсліў у вітальным слове намеснік міністра адукацыі Аляксандр Кадлубай. — Самае галоўнае з гэтага — Беларусь пераадолела ўсе выпрабаванні і хутка адбудавалася. У пасляваенныя гады вельмі хутка дзякуючы намаганням дарослых быў створаны гэты ўнікальны аб’ект — аздараўленчы цэнтр “Зубраня”. Палітыка па забеспячэнні дзяцінства з’яўляецца прыярытэтам беларускай дзяржавы. Сёння робіцца ўсё, каб вы маглі быць здаровымі, жыць у клопаце, цяпле і ўтульнасці. Закончыўся навучальны год. Вы знаходзіцеся ў нашай жамчужыне дзіцячага аздараўлення і наперадзе ў вас прыемнае баўленне вольнага часу. Я жадаю, каб вы правялі максімум сустрэч, завялі новыя знаёмствы і сяброўства, каб любоў да роднай Беларусі ў вашым сэрцы рабілася ўсё мацнейшай.
Сімвалічныя “білеты ў лета” падчас урачыстай лінейкі ўручылі прадстаўнікам усіх рэгіёнаў краіны: такім чынам стартавала рэспубліканская акцыя “Мары нараджаюцца — мары збываюцца”. Ну а пасля святочнай лінейкі прайшлі тэматычныя дыялогавыя пляцоўкі.
…На працягу канікул у летніках Беларусі адпачне больш як 361 тысяча дзяцей.
Наталля Лісіцкая.
Фота Аляксандра Высоцкага