Ордэнам Маці ўзнагародзілі Наталлю Заякіну з курортнага пасёлка Нарач (фота)

1 чэрвеня, у Дзень абароны дзяцей, у зале заключэння шлюбаў Нарацкага  сельвыканкама адбылася ўрачыстая цырымонія ўзнагароджання ордэнам Маці Наталлі Заякінай.

Разам з мужам яны выхоўваюць пяцёра дзяцей — чатырох сыноў і дачушку. З вітальным словам да Наталлі Эдуардаўны звярнуўся старшыня райвыканкама Анатолій Вайнілка і ўручыў заслужаную ўзнагароду.

Ад імя мнагадзетных матуль, якія ўзнагароджаны ордэнам Маці, Наталлю павіншавала Ірына Хацяновіч.

Былі і музычныя падарункі, і віншавання ад старшыні раённай арганізацыі Беларускага саюза жанчын Таццяны Ефімавай і ад дзяцей Наталлі. Якраз у гэты дзень Наталля Заякіна адзначыла свой дзень нараджэння.