На Мядзельшчыне прайшоў сход актыву па падвядзенні вынікаў работы народнай гаспадаркі (фота)

У санаторыі «Нарачанка» 12 сакавіка прайшоў сход актыву па падвядзенні вынікаў работы народнай гаспадаркі Мядзельшчыны.

Да ўдзельнікаў сходу звярнуўся старшыня райвыканкама Аляксандр Прановіч:

— За кожным вытворчым дасягненнем стаіць напружаная работа сельскіх працаўнікоў, будаўнікоў і камунальнікаў, дарожнікаў і энергетыкаў, меліяратараў, транспартнікаў, сувязістаў і банкаўскіх работнікаў, прыватных прадпрымальнікаў, работнікаў сферы гандлю і паслуг, устаноў аховы здароўя, адукацыі, культуры, сацыяльнай абароны насельніцтва. Развіццё Мядзельшчыны, наша будучыня залежыць ад усіх нас і кожнага асабіста. У планах на 2022 год — будаўніцтва шматкватэрнага жылога дома ў Мядзелі, забеспячэнне жыллём шматдзетных сем’яў, добраўпарадкаванне гарадскога пасёлка Крывічы, запуск станцый абезжалезвання ў Пузырах і Парубках, мадэрнізацыя ліній электраперадач для магчымасці падключэння электраацяплення і гарачага водазабеспячэння і шэраг іншых задач.

Слова мела дэпутат Палаты прадстаўнікоў Нацыянальнага сходу Рэспублікі Беларусь Ірына Супрановіч. Ірына Аляксандраўна адзначыла, што атрыманыя важкія паказчыкі — вынік мэтанакіраванай сістэмнай працы кіраўнікоў і кожнага на сваім рабочым месцы. Выказала прысутным удзячнасць за прафесіяналізм, адданасць абранай справе, за любоў да роднай зямлі. Пажадала ўсім міру, дабра, моцнага здароўя, новых перамог і працоўных дасягненняў, а любай Беларусі — дабрабыту і росквіту.

Адметны момант мерапрыемства — цырымонія ўзнагароджання лепшых працаўнікоў азёрнага краю. Ганаровую грамату абласнога выканаўчага камітэта Аляксандр Прановіч уручыў дырэктару Мядзельскай цэнтральнай раённай бібліятэкі імя Максіма Танка Таццяне Нырцовай. Падзяк старшыні аблвыканкама ўдастоены вадзіцель аўтамабіля філіяла “ДЭУ № 66” РУП “Мінскаўтадар-Цэнтр” Андрэй Грынцэвіч, трактарыст-машыніст ААТ “Сваткі” Аляксандр Сіськевіч, намеснік начальніка ўчастка па вытворчасці Нарачанскага вытворчага ўчастка ААТ “Маладзечанскі малочны камбінат” Ірына Янкоўская.

А Ірына Супрановіч уручыла Падзякі Старшыні Палаты прадстаўнікоў Нацыянальнага сходу Рэспублікі Беларусь. Іх атрымалі майстар цэха разліву МАВУП “Ілаўскае” Вольга Апанасевіч, вадзіцель аўтамабіля ўчастка аўтатранспарту РВУП “Мядзельская ЖКГ” Віктар Івашка, намеснік начальніка аддзела пенсіённага забеспячэння ўпраўлення па працы, занятасці і сацыяльнай абароне райвыканкама Таццяна Плакса, аператар машыннага даення кароў ААТ “Занарачанскі” Алёна Міхнёва, старшыня Слабадскога сельвыканкама Антаніна Крыўко.

На свяце ўшанавалі яшчэ працаўнікоў розных галін: механізатараў, жывёлаводаў,  прадстаўнікоў жыллёва-камунальнай, санаторнай галін, адукацыі, аховы здароўя, культуры ды іншых.

Перад удзельнікамі свята выступіў ансамбль Інстытута пагранічнай службы Рэспублікі Беларусь.