На тэрыторыі Мядзельскага фізкультурна-аздараўленчага цэнтра 1 ліпеня адкрылася многафункцыянальная сілавая пляцоўка.
Пляцоўка прызначана для воркаўта і выканання фізічных практыкаванняў і дазваляе праводзіць сілавыя трэніроўкі, элементы трэніровак высокай інтэнсіўнасці, цяжкай атлетыкі, паўэрліфтынгу, гімнастыкі, гіравога спорту, баскетбола.
Права перарэзаць чырвоную стужку даверылі намесніку начальніка Галоўнага ўпраўлення спорту і турызму Мінаблвыканкама Уладзіміру Губарэвічу, дырэктару фізкультурна-аздараўленчага цэнтра Андрэю Русаку і навучэнке СДЮШАР раёна, пераможцы рэспубліканскіх спаборніцтваў па веславанні на байдарках і каноэ Анастасіі Дзегцяровай.
Сярод мноства дзяцей і падлеткаў праверылі розныя трэнажоры нашы спартсменкі Арына Івашкевіч і Анастасія Дзегцярова:
— Добра ўсё працуе. Дзеці могуць тут займацца, мацаваць мышцы.
— А вы будзеце прыходзіць?
— Канешне!
З’явілася пляцоўка сумеснымі намаганнямі Прэзідэнцкага спартыўнага клуба, Мінскага аблвыканкама і Мядзельскага райвыканкама ў рамках рэалізацыі рэспубліканскага сацыяльнага праекта клуба па падтрымцы спорту і здаровага ладу жыцця «Спорт для ўсіх».
Зразумела, наведванне новай пляцоўкі — бясплатнае.
Відэа — тут