У цэнтральнай раённай бібліятэцы імя Максіма Танка ў Мядзеле 31 студзеня адбылося пашыранае пасяджэнне раённай арганізацыі Беларускага Таварыства Чырвонага Крыжа. На ім падвялі вынікі работы за мінулы год.
У рабоце прынялі ўдзел намеснік Генеральнага сакратара Беларускага Чырвонага Крыжа Раманія Зорына і старшыня Мінскай абласной арганізацыі Беларускага Чырвонага Крыжа Людміла Кубракова.
На пасяджэнні ўшанавалі людзей і працоўныя калектывы, якія актыўна дапамагаюць у дзейнасці таварыства. Былі ўзнагароды ад раённай арганізацыі Беларускага Таварыства Чырвонага Крыжа, раённага савета ветэранаў.
А Людміла Кубракова адзначыла падзякай старшыні Мінскай абласной арганізацыі працоўны калектыў санаторыя «Прыазёрны» і валанцёра Лізавету Цыркулеўскую.