В области подвели итоги купального сезона и наградили мядельчанина

У Мінскай абласной арганізацыі таварыства выратавання на водах на нарадзе падвялі вынікі купальнага сезона 2025 года. За гэты перыяд ад утаплення на Міншчыне загінулі 32 чалавекі (за аналагічны перыяд 2024 года – 55), што сведчыць пра зніжэнне на 40%. Гэта – найлепшы паказчык па ўсёй рэспубліцы.

Гібелі дзяцей не дапушчана, у той час як летась загінула 5 дзяцей. Работнікі таварыства за сезон уратавалі 14 грамадзян, з іх 5 дзяцей. Сёлетні купальны сезон выдаўся лепшым у гэтым аспекце не толькі дзякуючы надвор’ю, але і зладжанай працы выратавальнікаў і ўзмоцненай прафілактычнай дзейнасці актывістаў, паведамілі з Мінскай абласной арганізацыі таварыства выратавання на водах.

У завяршэнне нарады адбылося ўзнагароджанне. Сярод узнагароджаных – старшы матарыст-рулявы Мядзельскай выратавальнай станцыі Іван Сідаровіч. Яго адзначылі падзякай Рэспубліканскага грамадскага аб’яднання «Беларускае таварыства выратавання на водах».