Прошло три дня – и в сельхозфилиале «Минскоблагросервиса» снова награждают

У сельгасфіліяле «Мінскаблаграсэрвісу» сёння зноў узнагароджвалі перадавікоў жніва. Урачыстасць ладзілася на мехдвары.

Першы намеснік старшыні райвыканкама Андрэй Марозаў зазначыў у вітальным слове:

— Прыкладна 30% ад агульнага караваю Мядзельшчыны – ваша заслуга, вашай гаспадаркі. Непасрэдна ваша, паважаныя камбайнеры і вадзіцелі, агранамічная каманда, інжынеры – усіх, хто зрабіў унёсак у агульную справу. Нават у гэты няпросты сезон вы паказалі такія высокія вынікі.

Андрэй Валер’евіч пажадаў не спыняцца на дасягнутым і ўручыў узнагароды. Падзякі старшыні райвыканкама атрымалі камбайнеры-тысячнікі Сяргей Баранскі, Яўгеній Сарока і Яўгеній Курыловіч. Падзяка старшыні раённага Савета дэпутатаў прызначалася вадзіцелю-двухтысячніку Іосіфу Мількевічу.

З новымі асабістымі рэкордамі віншаваў перадавікоў і дырэктар сельгасфіліяла Андрэй Давыдзенка.

— З дванаццаці камбайнераў дзесяць перасягнулі тысячны рубеж, – зазначыў ён. – У нас такога не было ніколі за чатыры гады існавання гаспадаркі. Вельмі рад за вас. У нас ніколі і не было і столькі двухтысячнікаў. Ішлі роўна: плячо ў плячо, рука ў руцэ. Мы спрацавалі як адзіная каманда. Вялікі дзякуй вам, хлопцы!

І, як заўсёды ў гэтай гаспадарцы, былі падарункі ад галаўнога прадпрыемства: тысячнікам – паравыя электрашвабры, а двухтысячнікам – аэрагрылі.

…Дарэчы, папярэдні раз у сельгасфіліяле віншавалі тысячнікаў і двухтысячнікаў у гэты аўторак, 26 жніўня. Рэпартаж з узнагароджання чытайце тут.

Наталля ЛІСІЦКАЯ
Фота і відэа аўтара