В Мяделе в четверг был пожар в доме

26 снежня ў 11 гадзін 13 хвілін выратавальнікам паступіла паведамленне аб тым, што з-пад даху аднаго з дамоў па вуліцы Юбілейнай у Мядзеле ідзе дым.

У выніку пажару пашкоджана сцяна на плошчы 4 квадратныя метры. Прычына пажару высвятляецца.

Версія прычыны ўзнікнення пажару, што разглядаецца, – парушэнне правіл устройства, мантажу і эксплуатацыі электрасетак і электраабсталявання (кароткае замыканне электраправодкі), паведаміла старшы інспектар сектара ідэалагічнай работы і кадравага забеспячэння райаддзела па надзвычайных сітуацыях Ірына Карапецян.

І нагадала асноўныя правілы, якіх неабходна прытрымлівацца, каб засцерагчы сям’ю як ад пажараў, так і ад удараў электрычным токам.

Калі пры ўключэнні ў разетку ці выключэнні бытавой тэхнікі бачыце іскры, альбо пры ўключэнні ў сетку прыбораў разеткі награваюцца – гэта прыкмета слабых кантактаў. Лепшы спосаб прадухіліць пажар – замяніць разетку. Памятайце, што засцерагальнікі абараняюць ад кароткіх замыканняў, а не ад загаранняў па прычыне дрэнных кантактаў. Танныя разеткі і падаўжальнікі з рынку шматразова павялічваюць рызыку пажару. Не эканомце на бяспецы і купляйце толькі сертыфікаваную электрафурнітуру. Падаўжальнікі прызначаны для кароткачасовага падключэння бытавой тэхнікі. Нельга пракладваць кабель ад іх пад дыванамі, мэбляй, праз дзвярныя парогі. Не карыстайцеся падаўжальнікамі, ізаляцыя ў якога пераціснута, патрэскалася. Адразу пасля прымянення падаўжальнік трэба выключыць з разеткі.

Не трэба забываць і аб тым, што калі пры ўключэнні электрапрыбора асвятленне становіцца крышку цямнейшым, гэта яўная прыкмета таго, што электрасетка перагружана альбо дрэнна зацягнуты кантакты, А гэта – прадвеснік пажару. У такім выпадку трэба тэрмінова выклікаць электрыка. Частае перагаранне засцерагальнікаў можа сведчыць аб перагрузцы сетак. Асвятляльныя лямпы награваюцца да вельмі высокай тэмпературы, таму які-небудзь кантакт іх з гаручымі матэрыяламі недапушчальны.

Лічба: Толькі за 11 месяцаў бягучага года па прычыне няспраўнасці электраправодкі, няправільнай эксплуатацыі электраабсталявання на Мядзельшчыне адбылося 10 пажараў.