В Мяделе в волейбол играли спасатели
Мядзельскі фізкультурна-аздараўленчы цэнтр стаў месцам правядзення занальных спаборніцтваў па валейболе ў рамках спартакіяды Мінскага абласнога ўпраўлення МНС. Адбыліся яны 24 верасня.
Удзельнічалі каманды з Мядзельскага, Вілейскага і Валожынскага райаддзелаў па надзвычайных сітуацыях і пажарнага аварыйна-выратавальнага атрада абласнога ўпраўлення.
У далейшы этап спаборніцтваў выходзіла толькі каманда-пераможца. У выніку першае месца занялі прадстаўнікі пажарнага аварыйна-выратавальнага атрада. Каманда Мядзельшчыны стала другой, а трэцяй – Вілейшчыны, паведаміла старшы інспектар сектара ідэалагічнай работы і кадравага забеспячэння райаддзела па надзвычайных сітуацыях Ірына Карапецян.
Фота Ірыны Карапецян