Занарочская сельская библиотека признана победителем областного этапа республиканского конкурса

Занарацкая сельская бібліятэка прызнана пераможцам абласнога этапу рэспубліканскага конкурсу «Бібліятэка – асяродак нацыянальнай культуры». Вызначылася яна ў намінацыі «За пошукавую і даследчую працу» сярод сельскіх бібліятэк.

Прадстаўленая на прафесійны конкурс работа прысвячалася пошукава-даследчай дзейнасці бібліятэкі, звязаная з падзеямі Першай сусветнай і Вялікай Айчыннай войнаў на занарацкай зямлі, і шматграннай працы ўстановы па патрыятычным выхаванні падрастаючага пакалення.

Цяпер «Гісторыя ў чамадане» адправілася на рэспубліканскі этап конкурсу, паведамілі з Мядзельскай цэнтральнай раённай бібліятэкі імя Максіма Танка.