Знаёмім з праграмай Будслаўскага фэсту

Нацыянальны санктуарый Маці Божай Будслаўскай знаёміць з праграмай Будслаўскага фэсту.

Сёлета ён пройдзе 4 і 5 ліпеня пад дэвізам: «Міласэрнасць Божая – давяраем Табе».

Падчас урачыстасцяў у Нацыянальным санктуарыі ў Будславе адбудзецца прысвячэнне Мінска-Магілёўскай Мітраполіі, гэта значыць Касцёла ў Беларусі, Божай Міласэрнасці і Беззаганнаму Сэрцу Найсвяцейшай Панны Марыі.

На Беларускім тэлебачанні плануецца прамая трансляцыя цэлебрацый з Будслава.

Праграма фэсту

4 ліпеня, пятніца

14.00 – 17.00 — сустрэча і прывітанне пілігрымаў (пробашч будслаўскай парафіі ксёндз Дзмітрый Дубовік)

18.00 — святая Імша

20.00 — Акафіст у выкананні хору Грэка-каталіцкай царквы

20.30 — Марыйныя Нешпары (Меншыя Браты Капуцыны)

21.00 — Крыжовы шлях (Айцы Кармэліты Босыя)

22.00 — Моладзевая праграма «Моладзь да моладзі» (адказны за душпастырства моладзі ў Мінска-Магілёўскай архідыяцэзіі ксёндз Андрэй Бурак)

23.30 — працэсія з копіяй абраза Маці Божай Будслаўскай

5 ліпеня, субота

0.00 — святая Імша

2.00 — адарацыя Найсвяцейшага Сакрамэнту (Каардынацыйная група настаяцеляў і прадстаўнікоў манаскіх супольнасцяў)

6.00 — Боская Літургія Грэка-Каталіцкай Царквы ў візантыйскім абрадзе

7.00 — Гадзінкі аб Беззаганным Зачацці Найсвяцейшай Панны Марыі

8.00 — святая Імша ў базыліцы

9.30 — Фацімскі ружанец (Легіён Марыі)

10.30 — тэматычная канферэнцыя: «Беззаганнае Зачацце: юбілей 170-годдзя догмату» (кс. Канстанцін Анашка МІС)

11.30 — святая Імша; на заканчэнне — Эўхарыстычная працэсія і Акт прысвячэння Божай Міласэрнасці і Беззаганнаму Сэрцу Марыі Мінска-Магілёўскай Мітраполіі

На працягу ўсяго фэсту будзе магчымасць ушанавання вернікамі цудадзейнага абраза Маці Божай Будслаўскай і малітвы перад ім.