Рэспубліканскі фестываль харавога мастацтва «Пеўчае поле» адкрылі ў Нарачы

Вечарам у пятніцу ў курортным пасёлку Нарач урачыста адкрыўся традыцыйны Рэспубліканскі фестываль харавога мастацтва «Пеўчае поле».

Песняй пра Нарач пачалося ўрачыстае адкрыццё.

Вядучыя цёпла віталі гасцей і жыхароў Нарачанскага краю і падкрэслілі значэнне свята: «Фестываль ‘Пеўчае поле’ расчыняе свае дзверы і збірае самыя лепшыя аматарскія і прафесійныя калектывы з розных куткоў Беларусі. За сваю шматгадовую гісторыю ён стаў неад’емнай часткай культурнага жыцця нашай краіны».

Для адкрыцця фестывалю на сцэну запрасілі першага намесніка начальніка галоўнага ўпраўлення культуры Мінаблвыканкама Таццяну Хмель і старшыню райвыканкама Аляксандра Прановіча.

Урачыстым момантам стала падняцце сімвала свята – сцяга «Пеўчага поля» – дзяўчатамі ў нацыянальных строях.

А далей выступалі хоры з розных куточкаў Беларусі: Жыткавічаў і Мінска, Салігорска, і Ваўкавыска, Вілейкі ды Морачы і іншых мясцін.

Упершыню на фестывалі народны вакальны ансамбль “Лошніцкая бліскавіца» з Барысаўскага раёна. Уражаннямі падзялілася яго кіраўнік Таццяна Бялова.

А яшчэ гледачоў чакалі выступленні саліста Маладзёжнага тэатра эстрады, акцёра і радыёвядучага Яўгена Ермалковіча і артысткі музычнай медыякампаніі Аляксандры Мелех. А перад дыскатэкай выступіў кавер-гурт «JimB. band» са сваімі варыянтамі вядомых хітоў.

Побач са сцэнай працавалі розныя актыўнасці, пляцоўкі ўстаноў Мядзельшчыны, прадстаўлялі сваю творчасць народныя майстры.