Одиннадцатиклассник Княгининской СШ поедет на областной этап олимпиады

Адзінаццацікласнік Княгінінскай СШ у складзе каманды раёна будзе прадстаўляць азёрны край на трэцім этапе рэспубліканскай алімпіяды па вучэбных прадметах. Пра гэта паведаміла дырэктар Княгінінскай СШ Ірына Прудніковіч.
– Багдан Куранда заняў першае месца на другім (раённым) этапе прадметнай алімпіяды па гісторыі, – расказала Ірына Пятроўна. – Таму яго і ўключылі ў склад раённай каманды для ўдзелу ў трэцім – абласным туры алімпіяды. Пад кіраўніцтвам свайго педагога, настаўніцы гісторыі і грамадазнаўства Алены Валер’еўны Рапановіч юнак актыўна рыхтуецца да гэтай важнай падзеі ў сваім школьным жыцці. Дарэчы, гісторыя – адзін з любімых прадметаў Багдана.
Марыя ЛУБНЕЎСКАЯ
Фота Ірыны ПРУДНІКОВІЧ
Рекомендуем
