Профсоюз провел акцию «Первоклассный поход»

Традыцыйна Мядзельская раённая арганізацыя Беларускага прафсаюза работнікаў АПК напярэдадні новага навучальнага года правяла акцыю пад назвай «Першакласны паход». Прызначана яна для дзяцей, якія сёлета ўпершыню сядуць за школьныя парты.

– «Набор першакласніка» атрымалі 16 будучых вучняў. Бацькі іх з’яўляюцца членамі нашага прафсаюза, працуюць яны ў розных гаспадарках і прадпрыемствах раёна: «Занарачанскі», «Свір-агра», «Сваткі», вінакурня «Нарач», – паведаміла старшыня райкама прафсаюза работнікаў АПК Таццяна Сівіцкая. – А шасці сем’ям аказалі матэрыяльную дапамогу для падрыхтоўкі дзяцей да новага навучальнага года.