Веселится детвора на новой площадке в Занарочи

Паведамлялі ў «Нарачанскай зары» пра новае месца адпачынку дзяцей і дарослых, якое з’явілася ў цэнтры Занарачы. Сярод іншага тут ёсць гульнявая пляцоўка, арэлі.

Падчас паездкі ў аграгарадок вырашыў даведацца, як ацанілі навінку самыя галоўныя крытыкі – дзеці. Ці заваявала яна прызнанне самых важных жыхароў Занарачы?

З пляцоўкі даносіліся вясёлыя галасы: купка хлопчыкаў і дзяўчынак гулялі тут.

– Ці часта прыходзіце сюды? – запытаў у юных наведвальнікаў.

– Так, часта: кожны дзень з сябрамі. Падабаецца. Тут весела! – адказалі яны.

– Мне найбольш даспадобы канат, вось гэтыя бярвенцы і яшчэ арэлі, – падзялілася ўражаннямі Аня.

– А мне – круцілка, бярвенцы і арэлі, – дадала Васіліса.