На Мядельщине искали грибника
66-гадовы жыхар адной з вёсак Свірскага сельсавета 5 жніўня накіраваўся па грыбы. І ў лесе каля вёскі Яцыны ён заблукаў. Паведамленне пра гэта паступіла ў цэнтр аператыўнага ўпраўлення Мядзельскага раённага аддзела па надзвычайных сітуацыях у аўторак у 21:50.
Для пошукавых работ задзейнічалі 4 адзінкі тэхнікі і 13 чалавек розных службаў. Аднак мужчыну адразу не знайшлі.
Усё скончылася добра: пенсіянер выйшаў з лесу сам пасля 9 гадзін раніцы 6 жніўня, паведаміла старшы інспектар сектара ідэалагічнай работы і кадравага забеспячэння раённага аддзела па надзвычайных сітуацыях Ірына Карапецян.