В Свири горела хозпостройка
А палове дзясятай увечары 2 кастрычніка ў цэнтр аператыўнага кіравання Мядзельскага райаддзела па надзвычайных сітуацыях паступіла паведамленне аб узгаранні гаспадарчай пабудовы ў гарадскім пасёлку Свір.
Па прыбыцці падраздзяленняў было ўстаноўлена, што гаспадарчая пабудова гарыць адкрытым полымем. У выніку знішчана палова пабудовы, пашкоджана маёмасць, якая знаходзілася ўнутры.
Прычына пажару высвятляецца, паведаміла інспектар сектара прапаганды і ўзаемадзеяння з грамадскасцю райаддзела па надзвычайных сітуацыях Крысціна Несцерава.
Выратавальнікі нагадваюць: калі вы сталі сведкам надзвычайнай сітуацыі – тэлефануйце па нумары 101 або 112.
