В Мяделе определили лучших в «Школиаде»
У Мядзеле адбыліся раённыя спаборніцтвы сярод дзяцей і падлеткаў па лёгкай атлетыцы «Шкаліяда». Уключалі яны ў сябе бег 60 метраў, скачок у даўжыню з разбегу, кіданне мяча з месца і бег 500 метраў (дзяўчынкі) і 800 метраў (хлопчыкі). Удзельнічалі вучні 5-6-х класаў.
У групе «А» трэцяе месца заняла каманда Нарацкай СШ №1, другое – Мядзельскай СШ №1 імя Уладзіміра Дубоўкі. А перамаглі вучні Крывіцкай сярэдняй школы.
У групе «Б» трэцімі сталі прадстаўнікі Сваткаўскай СШ імя Максіма Танка, другімі – Занарацкай. А перамога засталася за вучнямі Будслаўскай СШ імя Паўліны Мядзёлкі, паведаміў галоўны спецыяліст упраўлення па адукацыі, спорце і турызме райвыканкама Леанід Шыдлоўскі.
Фота Занарацкай СШ