З 90-гадовым юбілеем віншавалі Героя Сацыялістычнай Працы Эдуарда Ціхага

Сёння ў Камарове віншавалі з 90-гадовым юбілеем Героя Сацыялістычнай Працы, Ганаровага грамадзяніна Мядзельскага раёна Эдуарда Вікенцьевіча Ціхага.

Эдуард Вікенцьевіч — адзіны ў раёне мае вышэйшую ступень адрознення ў СССР за працу. Звання Героя Сацыялістычнай Працы ён быў удастоены ў 35 год як камбайнер.

Са святам юбіляра павіншаваў старшыня раённага выканаўчага камітэта Аляксандр Прановіч і ўручыў Ганаровую грамату райвыканкама. Да віншаванняў далучыліся і іншыя госці ўрачыстасці.