Пачалося ўсё з раённага этапа адкрытага фестывалю «Я — даследчык» Мінскай вобласці. Праходзіў ён у дыстанцыйнай форме: навучэнцы дасылалі даследчыя работы ў электронным выглядзе і відэапрэзентацыі.
У кожнай з васьмі намінацый выбралі па адной рабоце, якую накіравалі на другі (абласны) этап адкрытага фестывалю «Я — даследчык». Ён таксама праходзіў у дыстанцыйнай форме.
На днях падвялі вынікі — і тры работы нашых юных землякоў сталі фіналістамі фестывалю. У намінацыі «Гуманітарныя веды» вызначылася даследчая работа «Вышыня 217» вучня 4 «А» класа Нарацкай сярэдняй школы №2 Арцёма Целяка (кіраўнік — настаўнік пачатковых класаў Алена Талайка).
У намінацыі «Прыродазнаўства (нежывая прырода)» фіналістам стала работа трэццякласніц Нарацкай сярэдняй школы №1 Кацярыны Каробчыц і Арыяны Жалубоўскай (кіраўнік — Ганна Блажэвіч).
У намінацыі «Незвычайнае ў звычайным» адзначылі работу «Чаму лімон называюць цуда-садавінай?» выхаванкі старэйшай групы Мядзельскага ВПК яслі-сад-сярэдняя школа Ульяны Краўчонак (кіраўнік — выхавальнік дашкольнай адукацыі Юлія Талайка), паведаміла метадыст раённага метадычнага кабінета Наталля Баброўка.
Цалкам матэрыял чытайце ў нумары "Нарачанскай зары" за 17.03