Плацежны тэрмінал

Інспекцыяй Міністэрства па падатках і зборах Рэспублікі Беларусь па Мядзельскім раёне пры правядзенні пазапланавай тэматычнай праверкі ААТ “М” у гандлёвым аб’екце выяўлена адсутнасць плацежнага тэрміналу пры продажы тавараў. Пастановай начальніка інспекцыі юрыдычная асоба прыцягнута да адміністрацыйнай адказнасці па частцы 1 артыкула 12.20 Кодэкса аб адміністрацыйных правапарушэннях Рэспублікі Беларусь у размеры 210 рублёў.

Нагадваем, што ўстаноўка і выкарыстанне плацежных тэрміналаў на адпаведных аб’ектах (пры ажыццяўленні ўстаноўленых відаў дзейнасці) з’яўляецца выкананнем патрабаванняў пастановы Савета Міністраў Рэспублікі Беларусь ад 6 ліпеня 2011 года № 924/16 “Аб выкарыстанні касавага абсталявання, плацежных тэрміналаў, аўтаматычных электронных аўтаматаў, гандлёвых аўтаматаў і аб прыёме наяўных грашовых сродкаў, банкаўскіх плацежных картак пры продажы тавараў, выкананні работ, аказанні паслуг, ажыццяўленні дзейнасці ў сферы гульнявога бізнесу, латарэйнай дзейнасці, правядзенні электронных інтэрактыўных гульняў і выпуску ў абарачэнне касавага абсталявання”. 

Начальнік аддзела кантролю за арганізацыямі інспекцыі Міністэрства па падатках і зборах Рэспублікі Беларусь па Мядзельскім раёне.