Пры наведванні дач гаспадарамі выяўляюцца выпадкі крадзяжоў. Так, невядомая асоба вырвала металічны прабой дзвярэй і пранікла ў хлеў дачнага дома ў вёсцы Леанардава.
Адтуль выкрала веласіпед «Школьнік» салатавага колеру, механічны кормаздрабляльнік, рулон металічнага дроту, металічныя граблі. А яшчэ з двара прыхапіла чатыры металічныя бочкі.
У выніку жыхарцы Мінска прычынілі страты на 345 рублёў. Райаддзелам Следчага камітэта ўзбуджана крымінальная справа.
Паводле інфармацыі РАУС і РАСК.
Фота ілюстрацыйнае, з адкрытых інтэрнэт-крыніц