Практычна ва ўсіх такіх крымінальных справах за ўчыненне крадзяжу шляхам выкарыстання камп’ютарнай тэхнікі на тэлефон трымальніка банкаўскай карты тэлефанавалі асобы, якія называлі сябе работнікамі банка. Яны паведамлялі, што з карты (пры гэтым называлі яе апошнія лічбы, а таксама прозвішча і імя карыстальніка) хтосьці спрабуе перавесці на іншы рахунак грошы. Каб заблакаваць дзеянні наўмыснікаў, прапаноўвалі паведаміць код, што прыйдзе шляхам СМС-паведамлення ці якія-небудзь іншыя звесткі (напрыклад, трохзначны код на карце са зваротнага боку і гэтак далей). Галоўная задача махляроў — ашаламіць навіной, гаварыць пераканаўча і не даваць ахвяры часу на роздум.
Як толькі неабходныя даныя паступалі таму, хто тэлефанаваў, ён тут жа атрымліваў доступ да персанальных звестак банкаўскай карты, а з рахунка яе трымальніка выкрадаліся ўсе грашовыя сродкі.
Варта памятаць, што нумары, рэквізіты карт, ПІН і CVV-коды (трохзначны код на зваротным баку карты), аднаразовыя паролі, якія прыходзяць у СМС-рассылцы, ні ў якім разе нельга паведамляць нікому. Калі вам паступіў падобны званок, адразу спыняйце размову і звяртайцеся ў банк, які выпусціў карту, і выконвайце ўсе атрыманыя ад супрацоўнікаў рэкамендацыі. Бяспека фінансаў — у вашых руках!
Андрэй ГАВЕТА,
намеснік пракурора раёна, малодшы саветнік юстыцыі.
Цалкам матэрыял чытайце ў нумары "Нарачанскай зары" за 19.09
Фота ілюстрацыйнае, з адкрытых інтэрнэт-крыніц