У Нарацкім Цэнтры культуры і вольнага часу 28 жніўня адбылося адкрыццё выставы дэкаратыўна-прыкладнога мастацтва аматарскага аб’яднання для дзяцей «Юныя скульптары». Выкладчыкам яго з’яўляецца Віталь Зубок.
На выставу прыйшлі дарослыя і дзеці курортнага пасёлка і адпачываючыя з суседніх здраўніц.
— Юных скульптараў узнагародзілі дыпломамі за працавітасць, крэатыўнасць і старанне. Удзельнікі расказалі пра свае работы (многія з іх яны прысвяцілі сваім бацькам і сябрам). У майстэрні Віталь Зубок паказаў сам працэс працы з гіпсам, а затым госці самі змаглі паўдзельнічаць у роспісу фігурак. Для гасцей арганізавалі дыскатэку з гульнявой праграмай і салодкія пачастункі. Па традыцыі мерапрыемства завяршылі экскурсіяй па галерэі для ўдзельнікаў аматарскага аб’яднання і іх бацькоў, — расказала загадчык Нарацкага Цэнтра культуры і вольнага часу Таццяна Грэлік.
Падрабязна пра гэта чытайце ў адным з бліжэйшых нумароў "Нарачанскай зары"